Në 4 vjetorin e agresionit rus ndaj Ukraines, presidentja e Kosovës, Vjosa Osmani, ka theksuar rëndësinë e solidaritetit dhe angazhimit për të mbrojtur vlerat e lirisë dhe dinjitetit.
“Tre vjet më parë, lufta u kthye në Evropë. Më 24 shkurt 2022, bota u zgjua nga pushtimi i Ukrainës nga Rusia. Që atëherë, jemi dëshmitarë të vuajtjeve të jashtëzakonshme—jeta të vjedhura, qytete të shkatërruara—por gjithashtu të qëndrueshmërisë së jashtëzakonshme të popullit ukrainas”, ka shkruar në X, presidentja Osmani.
Ajo ka nënvizuar gjithashtu se dhimbja e Ukrainës është e njohur për Kosovën, e cila ka kaluar nëpër periudha të ngjashme të luftës dhe të vuajtjeve. “Ukraina po lufton për atdhenë e saj, dinjitetin dhe lirinë. Kosova e di këtë dhimbje. Ne e kemi jetuar atë. Kjo është arsyeja pse, që nga dita e parë, qëndruam me Ukrainën”, ka shkruar Osmani.
