Presidentja e Kosovës, Vjosa Osmani, ka bërë me dije se do t`i drejtohet sërish Gjykatën Kushtetuese në lidhje me ngërçin politik.
Gjatë qëndrimit në ShBA, ajo ka marrë pjese në një diskutimi në Hudson Institute, ku ka thënë se aktgjykimi i fundit i Kushtetueses nuk ka sqaruar sa duhet pasojat, nëse Kuvendit nuk konstituohet deri më 26 korrik.
Ajo ka vlerësuar se për të sqaruar këtë çështje do t`i drejtohet me pyetje të veçanta Gjykatës Kushtetuese.
“Në kushtetutën tonë, kur e hartuam, ishte e pamundur të parashikohej çdo skenar i vetëm. U hartua në një mënyrë me një mendim pozitiv, që ligjvënësit do të bashkëpunonin, në vend që të bllokonin njëri-tjetrin dhe institucionin. Pra, tani për tani, për shkak të një mungese qartësie kushtetuese, nëse mund ta quaj kështu, Parlamenti nuk është konstituuar. Por patëm një rast të ri në gjykatën Kushtetuese dhe gjykata ka sqaruar se ekziston ky afat i rreptë 30-ditor, i cili do të skadojë më 26 korrik, për Kushtetutën e Parlamentit. Por nuk sqaroi se cilat janë pasojat ligjore të mosrespektimit të atij afati të detyrueshëm kushtetues. Pra, duket se do të më duhet t’i drejtohem përsëri gjykatës dhe t’u bëj atyre atë pyetje të veçantë, dhe shpresoj se ata do të përgjigjen”, ka thënë Osmani, transmeton Express.
Megjithatë, ajo është shprehur optimiste për tejkalimin e ngërçit politik.
Gjatë këtij diskutimi, ajo ka theksuar se Kosovës i duhet një qeveri e re.
Sipas saj, moskonstituimi i Kuvendit po i sjell dëme Kosovës dhe qytetarëve të saj.
“Ndoshta mund të kemi një qeveri, pavarësisht se sa e brishtë është, por na duhet një qeveri dhe një parlament i konstituuar, në mënyrë që të parandalojmë dëmet për vendin. Por kur thashë të përsosur, thashë kryesisht në kuptimin e mbrojtjes së vlerave, në vend të problemeve të zakonshme me të cilat përballet çdo demokraci. Dua të them, Belgjika nuk kishte një qeveri për gjashtë muaj, një herë në dy vjet. Pra, ne kemi ndërtuar institucione mjaft të qëndrueshme, do të thosha, që mund të merren me punën e përditshme të drejtimit të vendit”, është shprehur Osmani.
Në këtë diskutim, Osmani përsëri ka thënë se presidentin amerikan Donald Trump e ka ndalur eskalimin e situata në kufirin Kosovë-Serbi.
Sipas saj, kjo tregon qëllimin e presidentit amerikan për ruajtjen e paqes në rajon.
“Siç e ka thënë Presidenti Trump ai e ka parandaluar një tension, e ka parandaluar një eskalim, atë që Serbia po përpiqej ta bënte në kufirin me Kosovën. Por, ishte angazhimi i tij personal dhe roli i tij që e parandaloi që është një lidership i vërtetë në ruajtjen e paqes”, ka thënë Osmani, duke mos dhënë detaje tjera.
Ndër të tjera, në këtë diskutim, ajo ka thënë se roli i ShBA-së në ruajtjen e paqes në botë është i pazëvendësueshëm.
“Sepse paqja, siç e dimë të gjithë nga lufta në Ukrainë, nuk duhet të merret kurrë si e mirëqenë. Është diçka që duhet mbrojtur vazhdimisht, duhet kultivuar vazhdimisht. Dhe roli i Shteteve të Bashkuara në këtë përpjekje është thelbësor. Është i domosdoshëm dhe i pazëvendësueshëm”, është shprehur Osmani.
