OKB thotë se dy nga punëtorët e saj janë vrarë dhe të tjerë janë plagosur pasi një kompleks në Gazas u sulmua të mërkurën, duke shtuar se rrethanat e incidentit mbeten të paqarta.
Ministria e shëndetësisë e territorit palestinez të drejtuar nga Hamasi fajësoi një sulm izraelit dhe tha se pesë punëtorë të huaj të plagosur rëndë kishin mbërritur në spital. Ushtria izraelite mohoi të ketë sulmuar kompleksin e OKB-së në Deir al-Balah.
Kjo vjen pasi Izraeli tha se po rifillonte luftimet në Gaza pas një armëpushimi dy mujor – duke nisur një valë sulmesh që vranë më shumë se 400 njerëz, sipas ministrisë së shëndetësisë së Gazës.
Të martën, kryeministri izraelit Benjamin Netanyahu tha se kishte “rifilluar luftimet me forcë të plotë” Më vete, të paktën 13 persona u vranë në sulmet ajrore përgjatë Gazës gjatë natës, pasi Izraeli tha se po rifillonte luftimet “me forcë të plotë” në territorin palestinez.
Dy civilë u vranë dhe pesë të tjerë u plagosën kur një dron izraelit goditi një tendë pranë zonës humanitare al-Mawasi, raporton agjencia palestineze e lajmeve Wafa, duke cituar mjekët e Gjysmëhënës së Kuqe.
Ushtria izraelite tha se kishte shënjestruar atë që e quajti një vendndodhje ushtarake të Hamasit, nga ku grupi po përgatitej të qëllonte në Izrael. Anijet e kontrolluara nga Hamasi u goditën gjithashtu, tha ushtria.
Bombardimi nuk është i të njëjtit shkallë si të martën – por nuk tregon asnjë ndalim në sulmin e ri të Izraelit. Sulmet e së martës përbënin bombardimin më të rëndë që nga hyrja në fuqi e një marrëveshjeje të brishtë të armëpushimit dhe shkëmbimit të pengjeve më 19 janar, dhe erdhën pasi Izraeli dhe Hamasi nuk arritën të bien dakord se si ta kalonin atë përtej një faze fillestare. BBC
