Ish-ambasadori holandez në Kosovë, Robert Bosch, thotë se nuk ka arsye për kompromis për Asociacionin e komunave me shumicë serbe, duke shtuar se është e çuditshme që t’i kërkohet Kosovës të bëjë hapa, ndërkohë që Serbia nuk zbaton marrëveshjet.
Rezervo bileten tënde tani me ofertën më të mirë!
“Nuk ka arsye për kompromis për Asociacionin. Së pari, Serbia duhet të dorëzojë diçka konkrete, ose të ketë një marrëveshje të detyrueshme, ku të përcaktohet qartë ‘nëse bëni këtë, ne do të bëjmë atë’. Por aktualisht është çështja e tillë që duhet të bëni diçka së pari dhe të shpresoni që pala tjetër mund të bëjë gjithashtu diçka, gjë që është e çuditshme”, ka thënë ai për Kosovapress.
