Amerikani Kalob Byers, 28 vjeç, i cili u arrestua së fundmi në Rusi, është liruar pas disa ditësh në paraburgim, sipas një zyrtari të lartë të administratës Trump.Byers, i cili u arrestua në një aeroport rus 10 ditë më parë, u lirua vetëm disa orë përpara se bisedimet mes zyrtarëve të lartë amerikanë dhe rusë për luftën në Ukrainë të fillonin në Arabinë Saudite.
Siç raportoi më parë Associated Press, Byers u ndalua më 7 shkurt në aeroportin Vnukovo të Moskës pasi zyrtarët e doganës dyshohet se gjetën marmelatë me kanabis në bagazhin e tij. Sipas raportimeve të mediave, Byers kishte udhëtuar nga Stambolli me të fejuarën e tij ruse, e cila gjithashtu u ndalua. Autoritetet thanë se ai kishte tentuar të kontrabandonte një “sasi të konsiderueshme” droge në vend dhe e kishte vënë në paraburgim me akuzën e kontrabandës së drogës, e dënueshme me një dënim deri në 10 vjet burg. CNN
