Kreu i NISMA-s, Fatmir Limaj, ka deklaruar pas takimit me Presidenten se kanë shkëmbyer mendime rreth seancës së fundit të Kuvendit që u mbajt në orën 2 të mëngjesit. Limaj tha se Presidentja ka kërkuar informacion mbi mundësitë dhe shanset për zgjidhje, duke u interesuar për procesin e konstituimit të Kuvendit.
Ai shtoi se, fatkeqësisht, ende nuk ka pasur arritje të ndonjë marrëveshjeje, duke theksuar se deputetët nuk kanë pasur mundësinë të ushtrojnë detyrën e tyre.
“Me Presidenten kemi pasur takim dhe thjesht kemi shkëmbyer mendimet rreth seancës që e patëm në ora 2. Natyrisht Presidentja u interesua për shanset, mundësitë, zgjidhjet. E njoftuam edhe atë që fatkeqësisht nuk ka marrëveshje. Për këto 30 ditë, deputetët e Parlamentit asnjëherë s’e kanë pasur rastin dhe mundësinë me votu dhe si e tillë ne besojmë që nuk është konsumuar ky 30-ditësh për shkak që deputetët nuk kanë pasur mundësi me ushtru detyrën e tyre”
