Donald Trump thotë se bisedimet mes zyrtarëve amerikanë dhe rusë në Arabinë Saudite të martën ishin “shumë të mira” dhe se ai tani është “shumë më i sigurt” për një marrëveshje paqeje në Ukrainë.
Presidenti po u përgjigjej pyetjeve të gazetarëve në rezidencën e tij Mar-a-Lago në Florida, ku një gazetar i BBC pyeti nëse ukrainasit mund të ndiheshin “të tradhtuar” pasi nuk u ftuan në bisedimet në Riad.
Trump u përgjigj se ukrainasit kanë pasur tashmë tre vjet për të negociuar për paqen në luftën që filloi me pushtimin në shkallë të plotë të Rusisë në 2022
Më parë, ushtruesi i detyrës së kreut të Administratës së Sigurimeve Shoqërore jep dorëheqjen pasi thuhet se u përplas me Departamentin e Efiçencës Qeveritare të drejtuar nga Elon Musk (Doge).
Thuhet se King u largua pasi iu rezistoi përpjekjeve të stafit të Doge për të hyrë në informacione të ndjeshme, raporton CBS News Partneri amerikan i BBC-së.
Sigurimet Shoqërore – e cila ofron përfitime dhe të ardhura nga pensioni për amerikanët – ka baza të dhënash me informacione personale të miliona përfituesve të saj
Ndërkohë, Senati do të votojë për të konfirmuar zgjedhjen e Trump për të drejtuar FBI-në dhe kandidatin e tij për sekretarin e tregtisë.BBC
