Policia ka njoftuar se është plagosur aksidentalisht një person në Mitrovicë të Jugut pak orë para mesnatës. Viktima ka marrë trajtim mjekësor, ndërsa i dyshuari me urdhër të prokurorit është dërguar në mbajtje.
Rezervo bileten tënde tani me ofertën më të mirë!
“Mitrovicë 18.04.2025-23:15. Është raportuar se i dyshuari mashkull kosovar ka plagosur aksidentalisht me armë zjarri viktimën mashkull kosovar. Lidhur me rastin viktima ka pranuar tretman mjekësor, ndërsa nga i dyshuari është konfiskuar një revole me 41 fishekë e një gëzhojë. Me vendim të prokurorit i dyshuari dërgohet në mbajtje”, thuhet në njoftimin e Policisë së Kosovës.
