Ministrja e Drejtësisë Albulena Haxhiu ka reaguar pas bastisjeve në zyrat e ministrisë së bujqësisë. “Qindra dosje me dyshime për korrupsion e keqpërdorime të detyrës zyrtare janë dërguar në prokurori nga Qeveria jonë. Prokuroria asnjë veprim. Asnjë bastisje nëpër institucione pas atyre denoncimeve që i kemi bërë. Heshtje totale”.
Haxhiu thotë se prokuroria po merret me lajme të portaleve.
“mMafton një lajm diku në portale, e menjëherë vrapohet me bastisje në Ministri. Portale e gazeta ka pasur tash e sa kohë, por çështja është a kishte ato kohë Prokurori?!. Përgjigjen e dimë të gjithë. Keqpërdorimet, abuzimet, e shkatërrimet e ndërmarrjeve publike sikurse edhe pasurimi i pajustifikueshëm i zyrtarëve të lartë ka ndodhur para syve të Prokurorisë.
Drejtësia s’duhet të jetë selektive. Aq më pak spektakël, ka shkruar Haxhiu.
